...

Dövlət Baytarlıq Xidməti preparat və avadanlıqlar satın alır

Tender müsabiqələri Materials 24 Yanvar 2013 13:21 (UTC +04:00)

Azərbaycan, Bakı, 24 yanvar /Trend, müxbir A.Axundov/

Kənd Təsərrüfatı Nazirliyi yanında Dövlət Baytarlıq Xidməti epizotiyaya qarşı tədbirlər keçirmək üçün bioloji preparat və avadanlıqların satın alınmasına dair tender elan edib. Trend-in məlumatına görə, bu barədə cümə axşamı tender komissiyasının rəsmi mətbuatda dərc edilən məlumatında deyilir.

Tender 3 lot üzrə keçirilir. Bunlardan birincisi, bioloji preparatların, ikincisi diaqnostik və dezinfeksiya maddələrinin, üçüncüsü isə laboratoriya cihaz və avadanlıqlarının satın alınmasını nəzərdə tutur.

Tender proseduru bu il martın 6-da saat 15:00-da keçiriləcək. Tender qalibləri zəruri malları 2013-cü il dekabrın 31-dək təqdim etməlidirlər. Birinci lot üzrə tenderdə iştirakın haqqı 1700 manat, ikinci lot üzrə 500 manat, üçüncü lot üzrə isə 1300 manat təşkil edir.

Tender təklifləri bu il martın 5-i saat 17:00-dək qəbul edilir.

Məqalədə:
Xəbər lenti

Xəbər lenti