Azərbaycan, Bakı, 25 may /Trend, müxbir E.Mehdiyev/
"Eurovision 2012" mahnı müsabiqəsinin II yarımfinalında uğur qazanaraq finala addımlayan Ukrayna təmsilçisi Qaytana ("Be My Guest") çox narahat olduğunu və imtahandan uğurla keçdiyini deyib.
"Azərbaycana təşəkkür edirəm. Çox mehriban insanları var və burada olmağımdan xoşbəxtəm. Gərginlikdən qismən azad olmuşam. Finalda uğuruma inanıram. Səyahəti sevirəm", - Trend-in məlumatına görə, bunu Qaytana cümə günü yarımfinaldan sonra keçirilən mətbuat konfransında deyib.
Qaytana finalda 25-ci yerdə çıxış edəcək.
