Azərbaycan, Bakı, 27 may /Trend/
Serbiyanın "Eurovision 2012" təmsilçisi Zeljko Yoksimoviç "Bakı Kristal Zalı"nın səhnəsində 24-cü sırada çıxış edib.
Yoksimoviç serb dilində "Niye Lubav Stvar" mahnısını ifa edib.
O, "Eurovision 2004"-də Serbiya və Monteneqronu təmsil edərək 2-ci yerə layiq görülüb. Zeljko, həmçinin Bosniya və Herseqovinaya "Eurovision 2006"-da 3-cü yeri qazandıran "Lejla" mahnısının müəllifidir. Eləcə də Serbiya təmsilçisinin "Eurovision 2008"-də ifa etdiyi mahnının və Azərbaycanın "Eurovision 2010"-dakı mahnısının Balkan versiyasını hazırlayıb.
Zeljko Yoksimoviç "Eurovision 2012" mahnısını özü bəstələyib.