Qazaxıstan, Astana, 20 sentyabr/ Trend , müxbir K.Konırova/Prezident Nursultan Nazarbayevin sərəncamına əsasən, Qazaxıstanın Avrasiya İqtisadi Birliyi yanında yeni daimi nümayəndəsi təyin edilib.
Bu vəzifəni Bakıtjan Ordabayev tutacaq, - dövlət rəhbərinin mətbuat xidməti xəbər verib.
Əvvəllər Ordabayev Qazaxıstanın Rumıniyadakı müvəqqəti işlər vəkili vəzifəsində işləyib. O, bu vəzifədə Rüstəm Cienbayevi əvəz edib. Avrasiya İqtisadi Birliyi 2000-ci ildə təsis edilib. Hazırda onun tərkibinə Belarus, Qazaxıstan, Qırğızıstan, Rusiya, Tacikistan və Özbəkistan daxildir.