Rusiya XİN rəhbəri Qırğızıstanın "Manas" bazasının bağlanılması qərarına hörmət etməyə çağırıb
"Qırğızıstanın "Manas"dakı Amerika bazasının bağlanılması barədə qərarı ölkə rəhbərliyi tərəfindən müstəqil şəkildə qəbul olunub, suveren xarakter daşıyır və biz hesab edirik ki, ona hörmətlə yanaşmaq lazımdır", - Rusiya XİN rəhbəri Sergey Lavrov "Mir" teleradioşirkətinə müsahibəsində bildirib.
"2005-ci ildə ŞƏT (Şanxay Əməkdaşlıq Təşkilatı) sammitində beynəlxalq koalisiya ölkələrinə Mərkəzi Asiya ölkələrinin ərazilərində qalacaqları müddəti müəyyən etmək tövsiyəsi verilib, - Sergey Lavrov deyib. - ŞƏT üzvləri antiterror əməliyyatının "qaynar" mərhələsinin arxada qaldığını rəhbər tutaraq belə qərar vermişdi. Yeri gəlmişkən, Amerika nümayəndələri də bu barədə danışıb. 2005-ci ilin sonunda Özbəkistan rəhbərliyinin qərarı ilə Xanabaddakı Amerika aviabazası bağlanılıb".
"Odur ki, "Manas" məsələsi istisna bir hal deyil, - nazir əmindir. - Dünya ictimaiyyətinin Əfqanıstandakı qalmaqda olan məqsədlərinə dəstəyi başqa formalarda vermək olar". "Rusiya, məsələn, Mərkəzi Asiya ölkələri ilə birlikdə qeyri-hərbi yüklərin tranziti üçün imkanlar yaradır", - o, əlavə edib. Bu barədə "24.kg" İA yazır.
