...

Uranın 20 faizlik zənginləşdirilməsi barədə xoş xəbərlər veriləcək - İran Prezidenti

Dünya xəbərləri Materials 25 Yanvar 2010 11:02 (UTC +04:00)
İran Prezidenti Mahmud Əhmədinejad bildirib ki, "Fəcr ongünlüyü" bayram tədbirləri zamanı uranın 20 faizlik zənginləşdirilməsi haqqında xoş xəbərlər veriləcək.
Uranın 20 faizlik zənginləşdirilməsi barədə xoş xəbərlər veriləcək - İran Prezidenti

İran Prezidenti Mahmud Əhmədinejad bildirib ki, "Fəcr ongünlüyü" bayram tədbirləri zamanı uranın 20 faizlik zənginləşdirilməsi haqqında xoş xəbərlər veriləcək. Bu barədə İranın FARS xəbər agentliyi məlumat yayıb.

"Bu xoş xəbər o qədər şirin olacaq ki, dünyanın bütün azad xalqlarını sevindirəcək", - deyə Əhmədinejad bu gün səhər parlamentdə İranın gələn ilin (1389-cu il) dövlət büdcəsinin müzakirəsindən sonra jurnalistlərə deyib.

Əhmədinejad həmçinin əlavə edib ki, "Fəcr ongünlüyü"ndə xeyli xoş xəbərlər olacaq.

Hər il İran İslam İnqlabının ildönümü ilə əlaqədar olaraq bəhmən ayının 12-dən 22-dək "Fəcr ongünlüyü" bayram tədbirləri keçirilir. Bu il "Fəcr ongünlüyü" fevralın 1-dən 12-dək qeyd olunacaq.

Xəbər lenti

Xəbər lenti