Gürcüstan, Tbilisi, 17 fevral / Trend , müxbir N.Kirsxaliya/
Gürcüstanın xarici işlər naziri Qriqol Vaşadze Finlandiyanın Gürcüstan, Ermənistan və Azərbaycandakı qeyri-rezident səfiri Petri Salo ilə görüşüb.
"Tərəflər ikitərəfli və çoxtərəfli əlaqələrin müxtəlif aspektlərini, həmçinin regional və beynəlxalq əməkdaşlığın müxtəlif məsələlərini müzakirə ediblər", - XİN-nin informasiya və mətbuat departamentindən Trend -a deyilib.
Gürcüstanın xarici işlər nazirinin Finlandiyaya səfəri və Avropa İttifaqı ilə əlaqələrin genişləndirilməsi barədə də söhbət aparılıb.
Tərəflər iki dost ölkə arasındakı əlaqələrin genişləndirilməsinə dair qarşılıqlı arzularını da dilə gətiriblər.