ABŞ-ın dövlət katibi Hillari Klinton Konqres liderinə bildirib ki, "erməni soyqırımı"nın tanınması Türkiyə və Ermənistan arasında onsuz da yaxşı olmayan münasibətləri gərginləşdirə bilər. Klintonun bu bəyanatı barədə Dövlət Departamentinin nümayəndəsi Filip Krouli məlumat verib. Məlumatı Azadlıq radiosu yayıb.
Türkiyə martın 4-də Konqresin Xarici əlaqələr komitəsinin Birinci Dünya müharibəsi illərində "emənilərin kütləvi soyqırımı"nın tanınmasına dair qətnamə qəbul etməsinə kəskin mənfi reaksiya verib.
Ankara Osmanlı İmperiyasında yüz minlərlə erməninin həlak olmasını "soyqırım" deyil, vətəndaş münaqişələrinin nəticəsi hesab edir.