Bu gün səhər İranın Sistan-Bəluçistan vilayətinin Sərbaz şəhərinin yaxınlığında naməlum şəxslər avtobusu tutub və 6 sərnişini girov götürüblər. Məlumatı "Cahan" informasiya agentliyi yayıb.
Məlumata görə, girov götürülənlərdən beşi HHQ qərargahının hərbi qulluqçularıdır, bir nəfər isə bank işçisidir.
Hazırda İran polisi vertolyotların köməyi ilə İran-Pakistan sərhədində girov götürülənləri axtarır. Hələlik onların yeri məlum deyil. Rəsmi şəxslər hələ ki bu informasiyanı təsdiq etməyiblər.