Azərbaycan, Bakı, 22 may / Trend, müxbirlər A.Tağıyeva, T.Cəfərov /
Bazar ertəsi Suriyada üç İran vətəndaşı oğurlanıb. Bunu Suriyanın İrandakı müvəqqəti işlər vəkili Abbas Qolru bildirib. Trend-in məlumatına görə, bu barədə İSNA agentliyi xəbər verib.
Nəqliyyat şirkətində çalışan İran vətəndaşları Mürtəza Adili, Hüseyn Əli Necad və İsmayıl Məhəmməd Zeynali bazar ertəsi Suriya sərhədini keçiblər, mayın 21-də silahlı şəxslər tərəfindən oğurlanıblar.
Qolrunun sözlərinə görə, səfirlik dəfələrlə İranın nəqliyyat şirkətlərini Suriyaya yükdaşımaların təhlükəli olması barədə xəbərdarlqı etsə də, bəzi firmalar bu məlumata etinasızlıq göstəriblər.