Azərbaycan, Bakı, 15 oktyabr /Trend/
Suriyaya humanitar yardım aparan Ermənistan təyyarəsinin Türkiyədə enməsi əvvəlcədən planlaşdırılıb. Trend-in məlumatına görə, bu barədə Ermənistan Xarici İşlər Nazirliyinin mətbuat katibi Tiqran Balayan "Novosti-Armeniya" agentliyinə bildirib.
"Suriyaya humanitar yardım aparan Ermənistan təyyarəsinin Türkiyədə enməsi planlı olub. Bu, əldə edilən razılığa əsasən həyata keçirilib", - Balayan qeyd edib.
Türkiyə hakimiyyəti bu gün Ermənistan təyyarəsini Ərzurum aeroportunda endirib. NTV telekanalının məlumatına görə, enişdən sonra təyyarəyə baxış keçirilib.
Bəzi məlumatlara görə, təyyarə "Air Armenia" aviaşirkətinə məxsusdur.