Gürcüstan, Tbilisi, 15 noyabr /Trend, müxbir N.Kirsxaliya/
ATƏT-in milli azlıqların məsələləri üzrə ali komissarı Knut Vollebek Gürcüstana səfəri çərçivəsində yeni hökumətin üzvləri ilə görüşlər keçirir.
Trend-in məlumatına görə, Vollebek icra hakimiyyətinin nümayəndələrindən başqa parlament azlığı və çoxluğunun nümayəndələri ilə də görüşəcək.
"Məqsədimiz yeni hökuməti fəaliyyətimizlə tanış etmək və indiyədək apardığımız fəaliyyətin davam etdirilməsinə dair bir növ razılıq almaqdır. Mən artıq ayrı-ayrı nazirlərlə görüşmüşəm və əməkdaşlığın davam edəcəyini güman etmək olar", - o vurğulayıb.
Vollebek bildirib ki, səfərinin məqsədi milli azlıqların hüququnun müdafiəsi sahəsində fəal işi davam etdirməkyə hökuməti inandırmaqdır. "Biz azlıqların Gürcüstanın siyasi və ictimai həyatına hansı dərəcədə qoşulmasına xüsusi diqqət ayıracağıq", - o deyib.