Azərbaycan, Bakı, 1 fevral /Trend/
Meksikanın paytaxtında yerləşən "Pemeks" dövlət neft şirkətinin binasında partlayış baş verib. Partlayış nəticəsində 14 nəfər həlak olub, 80 nəfər yaralanıb, Meksikanın Daxili İşlər naziri Migel Angel Osorio Çond məlumat verib.
Onun sözlərinə görə, partlayışın səbəbi hələ ki məlum deyil. Bundan öncə məlumat verilirdi ki, partlayış qaz sızması səbəbindən baş verib, digər versiyaya əsasən isə elektik yarımstansiyada partlayış baş verib.
Yanğınsöndürənlər və xilasedicilər binanın birinci və ikinci mərtəbələrinin dağıntıları arasında axtarışları davam etdirirlər.