Azərbaycan, Bakı, 27 avqust /Trend, müxbir T.Cəfərov/
İran Prezidenti Həsən Ruhani Rza Nəcəfini İranın Beynəlxalq Atom Enerjisi Agentliyində (BAEA) səfiri və daimi nümayəndəsi kimi təqdim edib. Nəcəfi Əli Əsğər Sultaniyəni əvəz edəcək. Trend-in məlumatına görə, bu barədə FARS agentliyi məlumat verir.
Nəcəfinin bu vəzifəyə gəlməsi ölkənin xarici işlər naziri Məhəmməd Cavad Zərif tərəfindən prezidentə təklif olunub.
Nəcəfi bundan öncə İran XİN-də beynəlxalq və siyasi məsələlər üzrə idarə rəisi, XİN-nin Tərk-silah və Beynəlxalq Təhlükəsizlik İdarəsinin rəhbəri, BMT-nin tərk-silah komitəsində İranın nümayəndəsi və digər vəzifələrdə çalışıb.