Azərbaycan, Bakı, 7 yanvar /Trend, müxbir Rufiz Hafizoğlu/
Türkiyə Fransada satirik jurnalın ofisinə hücumu pisləyir. Trend-in "TRT Haber" telekanalına istinadən verdiyi məlumata görə, bunu Türkiyənin xarici işlər naziri Mövlud Çavuşoğlu deyib.
Onun sözlərinə görə, Türkiyə Parisdə "Charlie Hebdo" satirik nəşrinin ofisinə hücumu qınayır.
M.Çavuşoğlu qeyd edib ki, bu hücumu müsəlmanlarla bağlamaq düzgün deyil.
Qeyd edək ki, bu gün Parisdə "Charlie Hebdo" satirik nəşrinin ofisinə hücum nəticəsində ən azı 12 nəfər ölüb.