Azərbaycan, Bakı, 19 fevral /Trend, müxbir Rufiz Hafizoğlu/
ABŞ-da ölkənin Türkiyə ilə münasibətlərini korlamaq istəyən qüvvələr var. Trend-in cümə axşamı Anadolu agentliyinə istinadən verdiyi xəbərə görə, bu barədə Türkiyənin Birləşmiş Ştatlardakı səfiri Sərdar Kılıç bildirib.
Onun sözlərinə görə, həmin siyasi qüvvələr 1915-ci il hadisələrini böyüdərək Birləşmiş Ştatlarda Türkiyəyə qarşı təbliğat aparırlar.
Kılıç qeyd edib ki, ABŞ-dakı türk icması bu təbliğata qarşı müqavimət göstərmək üçün hər cür səy göstərir.