Bakı. Rufiz Hafizoğlu - Trend:
Rusiya sübut edə bilmədi ki, təyyarəsi Türkiyənin hava məkanını pozmayıb və bunu ötən ilin noyabrında vurulmuş "Su 24"ün "qara qutu"sunun guya zədələnməsi ilə izah edib. Bu barədə Trend Türkiyə Xarici İşlər Nazirliyinin yaydığı məlumata istinadən xəbər verir.
Məlumatda deyilir ki, Rusiya, həmçinin sübut edə bilmədi ki, yanvarın 29-da Hərbi Kosmik Qüvvələri Türkiyənin hava məkanını təkrar pozmayıb.
Məlumatda qeyd edilir ki, Rusiyanın Türkiyənin nüfuzuna xələl gətirmək üçün atdığı bütün cəhdlərə baxmayaraq, Ankara əvvəlki kimi iki ölkə arasında yarnmış böhranı dialoq yolu ilə nizamlamağa çağırır.