Bakı. Trend:
Hazırda Rusiya istənilən potensial təcavüzkardan güclüdür.
Trend-in RİA Novosti-yə istinadən verdiyi məlumata görə, bunu Rusiya Prezidenti Vladimir Putin deyib.
Müdafiə Nazirliyinin geniş kollegiya iclasında çıxış edən dövlət başçısı qeyd edib:
"Əminliklə demək olar ki, biz bu gün istənilən potensial təcavüzkardan güclüyük. Bununla belə, diqqətinizə çatdırmaq istəyirəm ki, əgər ordu və donanmanın modernləşdirilməsində, qoşunların hazırlığında bir dəqiqə belə zəiflik göstərsək, vəziyyət dərhal dəyişə bilər. Rusiya bunu hətta hiss etməyə bilər".