Bakı. Trend:
Dünyada ilk dəfə tamamilə "yaşıl enerji" əsasında fəaliyyət göstərəcək məscid tezliklə Omanda istifadəyə veriləcək.
Trend-in "Times of Oman" nəşrinə istinadən verdiyi məlumata görə, layihənin baş memarı Bədr Əl-Hədəbi işlərin 90 faizinin başa çatdığını bildirib: "Hazırda məscidin dam örtüyündə günəş panelləri quraşdırılır".
O qeyd edib ki, binanın içində 50-dək insan ibadət edə biləcək. Baş memar belə az tutumun səbəbini binanın havalandırılması üçün çox böyük həcmdə enerjinin tələb olunması ilə izah edib.