Bakı. Trend:
ABŞ müdafiə naziri Ceyms Mettis və Misir prezidenti Əbdül Fəttah əs-Sisi terrorizmlə mübarizədə əməkdaşlıq etməkdə niyyətlərini bildiriblər.
Trend-in "RİA Novosti"yə istinadən verdiyi xəbərə görə, pentaqonun məlumatında deyilir ki: "Ceyms Mettis və Əbdül Fəttah əs-Sisi Yaxın Şərqdə təhlükəsizliyin təmin edilməsi üzrə məsələlərin geniş spektrini müzakirə ediblər. Onlar terrorizmə qarşı mübarizədə və regional problemlərin həllində əməkdaşlıq etmək niyyətlərini bildiriblər".
Onlar təsdiq edib ki: "ABŞ və Misir arasında müdafiə sahəsində ikitərəfli əməkdaşlıq münasibətləri əsas sayılır".
Həmçinin bildirilir ki, yaxın gələcəkdə Mettis Misirə səfər etməyə ümid edir.