Bakı. Trend:
ABŞ Silahlı Qüvvələri çərşənbə axşamı Yəməndə "əl-Qaidə" terror qruplaşmasının silahlılarına qarşı reydlər keçirib.
Trend-in "RİA Novosti"yə istinadən verdiyi məlumata görə, reydlər zamanı "əl-Qaidə"nin 7 silahlısı məhv edilib.
Qeyd olunur ki, silahlılar nöqtəvi hava zərbələri və atıcı silahlardan atəş nəticəsində məhv ediliblər.
Məlumatda deyilir ki, Marib əyalətində keçirilən əməliyyat ABŞ-a terrorçuların "yerləşmələri, imkanları və niyyətləri" barədə informasiya almağa kömək etdi.