Bakı. Trend:
Gürcüstanın Mərkəzi Seçki Komissiyası 21 oktyabr tarixində yerli özünü idarəetmə orqanlarına keçirilən seçkilərin yekun nəticələrini açıqlayıb.
Trend-in məlumatına görə, "Gürcüstan arzusu" hakim partiyası seçici səslərinin 55,73%-ni qazanıb.
İkinci yerdə keçmiş hakim partiya olan "Vahid milli hərəkat" qərarlaşıb.
MSK-nın məlumatına görə, 59 bələdiyyədən 54-də və beş özünü idarəetmə orqanından dördündə (eləcə də Tbilisidə) keçirilən mer seçkilərində "Gürcüstan arzusu" qalib gəlib. Sözügedən partiyadan namizəd olan Kaxa Kaladze seçicilərin 51,06% səsini toplayaraq Tbilisi meri seçkilərində qalib gəlib.