...

Moldovada nə baş verir?

Dünya xəbərləri Materials 24 Oktyabr 2017 11:04 (UTC +04:00)
Moldova parlamentinin spikeri Andrian Kandu Prezident İqor Dodonun əvəzinə dövlət başçısı səlahiyyətlərini icra edəcək.
Moldovada nə baş verir?

Bakı. Trend:

Moldova parlamentinin spikeri Andrian Kandu Prezident İqor Dodonun əvəzinə dövlət başçısı səlahiyyətlərini icra edəcək.

Trend-in məlumatına görə, bundan başqa, spiker müdafiə nazirinin təyin edilməsi haqqında fərman imzalayacaq.

Oktyabrın 20-də Konstitusiya Məhkəməsi Nazirlər Kabinetinin prezidentin səlahiyyətlərini icra etməkdən imtina edəcəyi təqdirdə digər vəzifəli şəxsin dövlət başçısını əvəz etməsi ilə bağlı sorğusuna baxıb. Məhkəmə Moldova Prezidenti İ.Dodonun "müvəqqəti olaraq səlahiyyətlərini icra etmək qabiliyyətində olmadığını" bəyan edib və onun səlahiyyətlərinin parlament sədri və ya Baş nazir tərəfindən icrasına icazə verib.

İki gün əvvəl İ.Dodon parlamentin buraxılmasına, növbədənkənar seçkilərin və öz siyasətinə kütləvi dəstək aksiyalarının keçirilməsinə çağırmışdı: "Moldovanın növbədənkənar parlament seçkilərinin keçirilməsindən və prezident idarəçiliyi formasına keçiddən başqa yolu yoxdur".

Xatırladaq ki, Moldova parlamentli respublikadır. Deputatlar və İ.Dodon arasında daim fikir ayrılığı qeydə alınır.

Məqalədə:
Xəbər lenti

Xəbər lenti