Bakı. Trend:
İngiltərənin Liverpul şəhərində 1600 yerlik avtomobil dayanacağı yanıb.
Trend-in məlumatına görə, yanğın nəticəsində dayanacaqda olan bütün avtomobillər yanıb.
Hadisə atların beynəlxalq sərgisinin keçirildiyi "Echo Arena" əyləncə meydançasında baş verib. Yanğın nəticəsində sonuncu - dördüncü şou ləğv edilib və heyvanlar təxliyə olunub.
Yerli sakinlər tüstünün yayılması səbəbindən evlərini tərk etmək məcburiyyətində qalıblar.
Mersisayd qraflığının polis idarəsi bidirib: "İlkin araşdırmalar göstərib ki, yanğın avtomobillərin birində başlayıb, daha sonra isə digər avtomobillərə keçib. Bizim məlumatlarımıza görə, dayanacaqda bütün avtomobillər yararsız vəziyyətə düşüb".