Bakı. Trend:
Fransada davam edən anomal soyuqlar nəticəsində 3 nəfər həlak olub.
Trend-in məlumatına görə, təbiət hadisəsinin qurbanları evsizlər olub.
Kəskin soyuqlar Fransanın bütün ərazisində hökm sürür. Ölkənin şimal və şərq regionlarında mənfi 10 dərəcə, cənub-qərbdə isə mənfi 7 dərəcə şaxta qeydə alınıb.
Proqnozlara əsasən ən soyuq günlər bu gün və sabah qeydə alınacaq. Kəskin hava şəraitinin gələn həftənin əvvəlinədək davam edəcəyi bildirilir.