Bakı. Trend:
İraq Silahlı Qüvvələri ölkənin şimalında İŞİD terror təşkilatının lideri Əbu Bəkr əl-Bağdadinin ən yaxın müttəfiqini zərərsizləşdirib.
Trend-in məlumatına görə, Əbu Valid əş-Şişani Kərkük şəhəri yaxınlığında keçirilən əməliyyat nəticəsində həlak olub.
Əməliyyat zamanı terror təşkilatının digər liderləri barədə sənədlər də ələ keçirilib.
Xatırladaq ki, 2017-ci ilin dekabrında İŞİD-in İraq mövqelərinin tamamilə azad edildiyi elan edilmişdi.