...

Parisdə etirazlar genişlənir: “Makron, Fransa satılmır”

Dünya xəbərləri Materials 23 May 2018 11:43 (UTC +04:00)
Parisdə Fransa hökumətinin sosial siyasətinə etiraz olaraq yürüş keçirilib.
Parisdə etirazlar genişlənir: “Makron, Fransa satılmır”

Trend-i buradan izləyin

Bakı. Trend:

Parisdə Fransa hökumətinin sosial siyasətinə etiraz olaraq yürüş keçirilib.

Trend-in məlumatına görə, yürüş iştirakçıları iş yerlərinin ixtisarı, əmək haqlarının indeksləşdirilməsinin dayandırılması və ali məktəblərə qəbulun məhdudlaşdırılmasına etiraz ediblər.

Paytaxtın mərkəzi küçələri ilə hərəkət edən yürüş dinc şəraitdə davam edib. İştirakçılar, “Makron, Fransa satılmır”, “Hakimiyyət cəmiyyətin qatilidir” kimi şüarlar səsləndiriblər.

Parislə yanaşı etiraz aksiyaları Lion, Tuluza, Bordo və Fransanın digər şəhərlərində də baş verib.

Qeyd edək ki, Fransada bütün ölkə üzrə etirazlara 139 min insan qatılıb. Parisdə hökumətə qarşı etirazlarda 100-dən çox tələbə saxlanılıb.

Polis etirazçılara qarşı dəyənək və gözyaşardıcı qazdan istifadə edib.

Etirazların yaranmasına səbəb hökumətin 2022-ci ilə qədər 120 min iş yerini məhdudlaşdırmaq qərarıdır.

Bu, keçən ilin mayında hakimiyyətə gəlmiş Emmanuel Makronun dövründə üçüncü böyük tətil sayılır.

Məqalədə:
Xəbər lenti

Xəbər lenti