Bakı. Trend:
ABŞ-ın Kaliforniya ştatında meşə yanğınları nəticəsində 6 nəfər ölüb.
Trend-in KİV-lərə istinadən verdiyi məlumata görə, daha 7 nəfər itkin düşmüş hesab olunur.
Qeyd olunur ki, ştatda yanğın nəticəsində 500 ev və 75 tikili yararsız hala düşüb. Hal-hazırda yanğının ərazisi 19,5 min ha təşkil edir, bununla belə onun yalnız 5 faizi lokallaşdırılıb. ABŞ prezidenti Donald Tramp Kaliforniya ştatında baş verən meşə yanğınları ilə əlaqədar fövqəladə vəziyyət elan edib.