Bakı. Trend:
Silahlı qruplaşmalar Suriyanın Latakiya əyalətinin yaşayış məntəqələrini və Hələb şəhərinin rayonlarını atəşə tutublar.
Trend-in məlumatına görə, bu barədə Suriyada düşmən tərəflərin barışdırılması üzrə Rusiya Mərkəzinin rəhbəri general-leytenant Vladimir Savçenko deyib.
V.Savçenkonun sözlərinə görə, silahlıların yaşayış məntəqələrini atəşə tutması nəticəsində 2 hərbçi həlak olub: "Sutka ərzində silahlılar Latakiya əyalətinin Naxşebba, Əl-Salihiyə, Sanceka yaşayış məntəqələrini və Hələb şəhərinin rayonlarını atəşə tutublar. Nəticədə 2 Suriya ordusunun hərbçisi həlak olub, 12-si isə yaralanıb".
Suriyada düşmən tərəflərin barışdırılması üzrə Rusiya Mərkəzinin rəhbəri əlavə edib ki, insident nəticəsində dinc əhali arasında ölən və yaralanan olmayıb.