Bakı. Trend:
ABŞ-ın rəhbərlik etdiyi beynəlxalq koalisiya Suriyanın Hacin şəhərində (Deyr-əz-Zor əyaləti) terrorçuların dinc sakinləri saxladıqları binaya zərbələr endirib.
Trend-in "Ikhbariya" telekanalına istinadən verdiyi məlumata görə, koalisiyanın hava zərbələri nəticəsində azı 6 dinc sakin həlak olub.
Telekanalın məlumatında deyilir: "Beynəlxalq koalisiyanın aviasiyası Hacin şəhərində İŞİD terror qruplaşmasının həbsxana kimi fəaliyyət göstərən və dinc sakinlərin saxlandığı binasına hava zərbələri endirib. Hava zərbələri nəticəsində 6 dinc sakin həlak olub, bir neçə nəfər yaralanıb".