Bakı. Trend:
Türkiyə Hərbi Hava Qüvvələri İraqın şimalında yerləşən Sinat-Haftanin, Metina və Hakurk regionlarında PKK terror qruplaşmasının mövqelərinə hava zərbələri endirib.
Trend-in Türkiyə KİV-lərinə istinadən verdiyi məlumata görə, hava zərbələri nəticəsində 8 PKK terrorçusu məhv edilib.
Bundan əlavə, terrorçulara məxsus silah-sursat anbarları və sığınacaqlar məhv edilib.
Bildirilir ki, məhv edilən terrorçular Türkiyənin hərbi bazalarına hücumlar hazırlayırmışlar.