Bakı. Tural Turan - Trend:
İranın cənub-şərqində yerləşən Çabahar liman şəhərində terror aktı törətməkdə şübhəli bilinən 4 şəxs saxlanılıb.
Trend-in məlumatına görə, şübhəli şəxslər İranın Sistan və Bəlucistan əyalətlərinin müxtəlif şəhərlərində tutulublar. Hazırda araşdırmalar davam etdirilir.
Xatırladaq ki, cümə axşamı səhər Çabahar şəhərində terrorçu-kamikadze minalanmış avtomobil ilə təhlükəsizlik qüvvələri qərargahının ərazisinə keçmək istəyib. Ardınca partlayış olub və nəticədə 2 nəfər ölüb, daha 42 nəfər isə yaralanıb.