Bakı. Tural Turan - Trend:
Meksika şəhər meri vəzifəsinin icrasına başlayandan saat yarım sonra sui-qəsdin qurbanı olub.
Trend-in məlumatına görə, ölkənin cənubundakı Oahaka ştatının Tlahiako bələdiyyəsinin sədri Alexandro Aparisio vəzifəsinin icrasına başlayandan saat yarım sonra öldürülüb.
Oahakanın qubernatoru Alexandro Murat "Twitter" social şəbəkəsində bildirib ki, Tlahiako bələdiyyəsinin sədrinə qarşı hücumu kəskin şəkildə pisləyir. O, baş prokurordan hadisə ilə bağlı dəqiq araşdırma aparmağı və qatilin yaxalanması barədə məlumatlandırılmasını tələb edib.
Bildirilir ki, merə hücum zamanı daha iki nəfər yaralanıb. Siyasətçi prezident Andres Manuel Lopes Obrador tərəfindən yaradılmış "Milli dirçəliş hərəkatı"nı təmsil edirdi.