ABŞ Suriyada 400 hərbçi saxlayacaq

Bakı. Trend:

Daha öncə Suriyadan qoşunların tam çıxarılmasını bəyan edən ABŞ ölkədə 400-ə qədər hərbçi saxlamaq niyyətindədir.

Trend-in məlumatına görə, bunu ABŞ administrasiyasının yüksək vəzifəli nümayəndəsi bildirib.

Onun sözlərinə görə, 200-ə yaxın hərbçi Suriyanın şimal-qərbində sülhməramlı missiya qismində yerləşdiriləcək, digər 200 nəfər isə münaqişədən yayınma zonasında - At-Tanfda. Qeyd olunur ki, şimal-qərbdə hərbçilər 800-dən 1500 nəfərə qədər olan Avropa misiyasının bir hissəsi olacaq.

Administrasiya nümayəndəsi bildirib ki, ABŞ Avropa tərəfdaşları ilə bu məsələ ilə bağlı məsləhətləşmələr aparır.