Bakı. Rufiz Hafizoğlu - Trend:
Türkiyənin Bursa vilayətində İŞİD terror təşkilatının qadın üzvü saxlanılıb.
Trend-in məlumatına görə, saxlanan şəxs Livan əsilli Danimarka vətəndaşıdır.
Onun Türkiyəyə Suriya ərazisindən qeyri-leqal şəkildə keçdiyi məlum olub.
Qeyd olunur ki, həmin şəxs qadınların İŞİD sıralarına cəlb olunmasında fəal iştirak edib.
Bundan başqa, paytaxt Ankarada keçirilmiş əməliyyat nəticəsində İŞİD-in daha 14 üzvü saxlanılıb.