Bakı. Elnur Bağışov - Trend:
Əli Laricani İran parlamentinin sədri seçilib.
Bu barədə Trend İranın Xəbər televiziyasına (IRINN) istinadən məlumat verib.
İran parlament sədrinin müəyyənləşməsi üçün keçirilən seçkilərdə Əli Laricani 155 səs toplayıb. Məhəmməd Rza Arif 105, Məhəmməd Cavad Əbtəhi isə 9 səs toplayıb.
Ümumilikdə səsvermədə 274 deputat iştirak edib.
İran parlamentində hər il parlament sədrinin müəyyənləşməsi üçün seçkilər keçirilir.
Əli Laricani 2008-ci ildən İran parlamentinin sədridir.