Bakı. Trend:
Braziliyanın Amazonas ştatının paytaxtı Manausun 4 həbsxanasında ötən gün ərzində 42 məhbus həlak olub.
Trend-in "Globo" portalına istinadən verdiyi məlumata görə, məhbusların hamısı asfiksiyadan (kəskin tənəffüs çatışmazlığının ən ağır forması) ölüblər.
Digər təfərrüatlar barədə məlumat verilmir.
Qeyd edək ki, aprelin 26-sı Manaus şəhərinin həbsxanalarından birində məhbuslar arasında toqquşmalar baş verib. İnsident nəticəsində azı 15 məhbus həlak olub.