Bakı. Elnur Bağışov - Trend:
İranın cənub-qərbində yerləşən Fars vilayətində Kazerun-Şiraz yolunda 4 avtomobil toqquşub.
Trend-in məlumatına görə, bunu İranın Fars vilayətinin şimal yol polisi rəisi polkovnik Əbdülhaşim Dehqani polis informasiya agentliyinə açıqlamasında deyib.
Ə.Dehqaninin sözlərinə görə, qəzada 3 yük maşını və bir ədəd “Peugeot 206” markalı avtomobil toqquşub.
Dehqani əlavə edib ki, nəticədə yük maşınlarından birində yanğın baş verib.
Polis rəisi yük maşınında 4 nəfərin yanaraq həlak olduğunu, başqa bir yük maşını sürücüsünün isə yaralandığını deyib.
Hadisəyə səbəb kimi yük maşınlarından birinin qarşı yola çıxması göstərilib.