Bakı. Trend:
Türkiyənin Van vilayətində PKK terror təşkilatına qarşı əməliyyat keçirilib.
Trend-in məlumatına görə, əməliyyat zamanı iki tondan çox ammonium nitrat, min litr benzin, çox sayda döyüş sursatı və zəruri məhsullar aşkar edilərək götürülüb.
Əməliyyat Başkale rayonunda həyata keçirilib.
Xatırladaq ki, Türkiyə ilə müstəqil Kürd dövlətinin yaradılmasını tələb edən PKK arasındakı münaqişə 35 ildən çox davam edir və 40 mindən çox insanın həyatına son qoyub. PKK, BMT və Avropa Birliyi tərəfindən terror təşkilatı kimi tanınıb.