Bakı. Trend:
İspaniya Milli Polisi İtaliya futbol çempionatının yuxarı divizionunda danışılmış oyunların təşkili ilə əlaqəli əməliyyat zamanı 14 nəfəri saxlayıb.
Trend-in məlumatına görə, bu barədə hüquq-mühafizə orqanları press-reliz yayıb.
Məlumata əsasən, əməliyyat Avropa Polis Təşkilatı (Europol) ilə əlaqəli şəkildə keçirilib. İstintaq İtaliya hüquq-mühafizə orqanları ilə birgə aparılıb.
Saxlanılan şəxslər korrupsiya, çirkli pulların yuyulması və əmlakın qanunsuz istifadəsində şübhəli bilinir.