Bakı. Trend:
Özbəkistanda yeni növ koronavirusa (COVİD-19) yoluxanların sayı 520 nəfərə çatıb.
Trend-in "Gazeta.uz"a istinadən verdiyi məlumata görə, bu barədə ölkənin Səhiyyə Nazirliyindən bildiriblər.
Məlumata əsasən, ötən gün koronavirusa 63 nəfər yoluxub.
Bildirilir ki, koronavirusdan 30 nəfər sağalıb, 2 nəfər isə dünyasını dəyişib.
Qeyd edək ki, ötən gün xarici ölkələrdə olan 23 Özbəkistan vətəndaşının koronavirusa yoluxduğu məlum olub. Onlardan 3 nəfəri dünyasını dəyişib.