Bakı. Trend:
21 martdan indiyədək İranda 22 nəfərdə Krım-Konqo qızdırması qeydə alınıb. Virus 2 nəfərin ölümünə səbəb olub.
Trend-in məlumatına görə, bunu İranın Səhiyyə Nazirliyinin rəsmisi Behzad Əmiri deyib.
B.Əmiri əlavə edib ki, virus heyvan kəsilən zaman insana yoluxa və sonradan insandan-insana keçə bilər.
Bu səbəbdən ölkədə həyətlərdə və ictimai məkanlarda heyvan kəsimi qadağan edilib. Heyvanlar sadəcə sallaqxanalarda xüsusi nəzarət altında kəsilməli və ət ən azı 1 sutka soyuducuda mənfi 4 dərəcədə saxlanılmalıdır.