Bakı. Trend:
İslam İnqilabı Keşikçiləri Korpusunun (SEPAH) baş raket mühəndisi Səid Tamardar Mutlaq İranın cənubunda öldürülüb.
Trend-in məlumatına görə, bu barədə "The Jerusalem Post" qəzeti xəbər verib.
Nəşr qeyd edib ki, İran hakimiyyəti Mutlaqın ölümünü açıqlamayıb, bu, yalnız dəfn mərasimi ilə bağlı məlumatdan bilinib.
Bununla belə, İran Xarici İşlər Nazirliyinin rəsmi nümayəndəsi Naser Kanaani deyib ki, “elmi şücaətimizin qəhrəmanlarının qorxaqcasına öldürülməsi pərdəarxası terrorçuların öz məqsədlərinə çatmasına kömək etməyib”.