Bakı. Trend:
Türkiyənin Ərdahan vilayətində 5 bal gücündə zəlzələ baş verib.
Trend-in məlumatına görə, bu barədə ölkənin Fövqəladə Halların İdarə Olunması Agentliyi (AFAD) bildirib.
Məlumata görə, zəlzələ yerli vaxtla saat 17:08-də baş verib. Yeraltı təkanların episentri Ərdahan vilayətinin Göle rayonunda olub. Zəlzələnin ocağı 7 kilometr dərinlikdə yerləşib. Zəlzələdən sonra 50 afterşok qeydə alınıb ki, onlardan ən güclüsü 4,2 bal gücündə olub.
Bildirilib ki, zəlzələ nəticəsində iki evin divarları uçub, 3 nəfər xəsarət alıb. Zəlzələ Ərzurum və Qarsda da hiss olunub.