Bakı. Trend:
ABŞ-ın "Apple" şirkəti oktyabrın 24-də yeni "iPad" planşeti və "Mac" kompüterini təqdim edəcək.
Trend-in məlumatına görə, bu barədə "Bloomberg" agentliyi yazır.
Qeyd olunur ki, həmin gün "iPad 10" və "iPad Pro" planşetlərinin təqdimatı olacaq. Bundan başqa, "Mac mini" və "MacBook Pro" istifadəçilərə təqdim olunacaq.
Həmçinin, oktyabrın 24-də "iPadOS 16.1" yenilənmiş əməliyyat sisteminin təqdimatı nəzərdə tutulur.
Xatırladaq ki, "Apple" sentyabrın əvvəlində şirkət tarixində ən bahalı smartfon hesab olunan "iPhone 14" telefonlarını təqdim etmişdi.