Bakı. Trend:
Türkiyənin Alanya vilayətində meşə yanğını baş verib.
Trend-in məlumatına görə, hadisə axşam saatlarında Bayırkozağacı kəndində qeydə alınıb. Yanğının söndürülməsi istiqamətində mübarizə davam edir.
3 ayrı nöqtədə baş verən və fırtınanın təsiri ilə yaşayış məntəqələrinə yaxınlaşan yanğın onun söndürülməsinə çətinlik yaradır.
Yanğının geniş əraziyə yayıldığını ifadə edən Alanya bələdiyyə başçısı Adəm Murat Yücel deyib: "Yanğın baş verən əraziyə yaxın yaşayış məntəqələri yerləşir. Ehtiyat tədbiri olaraq Bayırkozağacı kəndində olan vətəndaşlarımızı təxliyə etdik".
Onun sözlərinə görə, hazırda heç bir problem yoxdur, amma yanğının yayılma ehtimalı var.