Bakı. Trend:
Sudanda silahlı qüvvələr ilə Çevik Reaksiya Qüvvələrinin hərbiləşdirilmiş qrupu arasında baş verən döyüşlər nəticəsində 270 nəfər həlak olub, 2,6 mindən çox insan yaralanıb.
Trend-in məlumatına görə, bu barədə Ümumdünya Səhiyyə Təşkilatının baş direktoru Tedros Adanom Qereyesus deyib.
"Sudandakı vəziyyət dərin narahatlıq doğurur. Sudan Səhiyyə Nazirliyinin Təcili Əməliyyatlar Mərkəzi 270 nəfərin öldüyünü, 2600-dən çox insanın yaralandığını bildirib", - deyə o bildirib.
Təşkilatın baş direktoru əlavə edib ki, Ümumdünya Ərzaq Proqramının üç əməkdaşı öldürülüb.