Bakı. Trend:
Türkiyə Prezidenti Rəcəb Tayyib Ərdoğan və Serbiya Prezidenti Aleksandar Vuçiç arasında telefon danışığı olub.
Trend xəbər verir ki, bu barədə Türkiyə Prezident Administrasiyasının Kommunikasiya İdarəsindən bildirilib.
Məlumata əsasən, Ərdoğan yenidən Türkiyə prezidenti seçilməsi münasibətilə serbiyalı həmkarından gələn təbrikə görə təşəkkür edib
Türkiyə Prezidenti bildirib ki, dövlət başçılarının səyləri nəticəsində iki ölkə arasında münasibətlər ən yüksək səviyyəyə çatıb.