Bakı. Trend:
Rusiya Kimyəvi Silahların Qadağan Olunması Təşkilatının (KSQT) İcraiyyə Şurasından kənarlaşdırılıb.
Trend Rusiya KİV-ə istinadən xəbər verir ki, təşkilata üzv dövlətlərin 28-ci konfransında keçirilən səsvermə nəticəsində Rusiya lazım olan minimal 66 səsdən yalnız 65-ni toplaya bildiyi üçün İcraiyyə Şurasındakı yerindən məhrum olub.
Şərqi Avropa ölkələrindən Litva, Polşa və Ukraynanın təşkilatın İcraiyyə Şurasında yer aldığı qeyd olunub.