Bakı. Trend:
İraqın şimalında "Pəncə-Kilid" əməliyyatı bölgəsində terrorçu qruplaşmanın üzvlərinin hücumu nəticəsində Türkiyə ordusunun bir əsgəri şəhid olub, 4 əsgər yaralanıb.
Trend xəbər verir ki, bu barədə Türkiyənin Milli Müdafiə Nazirliyi məlumat yayıb.
İlkin məlumata görə, 6 terrorçu zərərsizləşdirilib, bölgədə əməliyyatlar davam edir.
Qeyd olunub ki, Türkiyə ordusunun yaralanan əsgərləri dərhal xəstəxanaya yerləşdirilib və müalicələrinə başlanılıb.